¿QUIÉN SOMOS?
La historia d’Asturcilla ye una historia colectiva.
Asturcilla foi dende’l primer día un proyectu colectivu: primero surde la idea d’ellaborar productos con ablana asturiano a partir d’un trabayu realizáu por Gabitu, el Grupu de Trabayu sobre l’Ablanal del Centru de Desarrollu Rural El Prial.
A partir d’ehí, y depués de facer unes cuantes prebes hasta dar col sabor que queríemos, emprecipiamos a ellaboralo un grupu de 4 persones, al que depués s’axuntó’l cátering de comida ecolóxico Con-Fusión Comides pa formar la cooperativa que somos anguaño, Kikiricoop S. Coop Astur. Col proyectu Asturcilla facemos por aprovechar la producción llocal d’ablana, un cultivu cada vez más abandonáu na nuestra contorna a pesar del so munchu valir ambiental y nutritivu.
Formamos parte de Coop 57 Asturies, trabayamos con productores llocales, ecolóxicos y de comerciu xustu. La navina onde trabayamos pertenez al Viveru d’Empreses de Cabranes y muévese con Som Energia.
Asturcilla ye un poco frutu de toos estos alcuentros y sinerxes, de les persones que collaboraron nel crowfunding col que financiamos parte del nuestru espaciu de producción, de los grupos de consumu y tiendes que mos sofitaron dende’l principiu, de la collaboración con entidaes y proyectos de la nuestra contorna xeográfica y biográfica.
Por cierto, ¡préstennos pola vida les visites! Si quies pasar a visitanos ,tienes tola información equí
nun nacimos nuna fábrica,
nacimos nun pueblu
Los nuestros valores
Ecolóxico
Ellaboramos la nuestra crema de cacáu curiando la tierra. Utilizamos ingredientes d’agricultura ecolóxico, ensin pesticides nin químicos, respetando los ciclos naturales p’apurrite un productu sanu y honestu.
Rural
Apostamos por revitalizar el campu asturianu. La nuestra actividá ayuda a caltener vivos los pueblos, recuperando cultivos llocales d’ablana y frenando l’abandonu de zones rurales na nuestra rexón.
Xusto
Creemos na economía social. Pagamos precios dignos a productores y garantizamos condiciones llaborales étiques. Porque un productu dulce nun tien por qué dexar amargor en quien lo producen.
Cooperativo
Nun somos una gran corporación; somos una cooperativa. Trabayamos horizontal y tresparente, tando les persones y el bienestar común siempre perriba del beneficiu económicu.
1º Premiu nacional na categoría Diversificación 2022. XIV Edición Premiu a la Excelencia na Innovación pa Muyeres Rurales.
Ministeriu d’Agricultura, Ganadería, Pesca y Alimentación
1º Premiu Luz Verde a la empresa sostenible 2024
Otorgáu por WWF y Onda Cero Asturies
